હમણાં એક સિક્યુરિટી કંપનીએ, એન્ડ્રોઇડ સ્માર્ટફોનમાં ઘૂસી જતા એક ખાસ પ્રકારના માલવેરથી દસ લાખ જેટલાં ગૂગલ એકાઉન્ટસની સલામતી જોખમાઈ હોવાનો ઘટસ્ટોફ કર્યો છે.
હમણાં હમણાંથી તમારા એન્ડ્રોઇડ સ્માર્ટફોનમાં, જે એપ્સમાં સામાન્ય રીતે કોઈ જાહેરાત જોવા ન મળતી હોય એમાં પણ લગભગ આખો સ્ક્રીન રોકી લે એવી જાહેરાતો જોવા મળે છે? અથવા તમે પોતે જે ઇન્સ્ટોલ કરી જ ન હોય, એવી એપ્સ પણ દેખાવા લાગી છે? શક્ય છે કે તમારા સ્માર્ટફોનમાં ‘ગૂલીગન’ નામનો હમણાં હમણાં પ્રકાશમાં આવેલો માલવેર ઘૂસી ગયો હોય!
