સૌની માહિતીનું સરેઆમ વેચાણ

ઓનલાઇન અને ઓફલાઇન વિવિધ જગ્યાએ આપણી પાર વગરની વિવિધ માહિતી વિખરાયેલી પડી હોય છે. હવે એ બધું જ વ્યવસ્થિત રીતે એકઠું કરી, વેચવામાં આવી રહ્યું છે!

દિવાળીના દિવસોમાં, ઘરે જે કોઈ મળવા આવે એને ગુજરાતી લોકો કેવી હોંશથી મઠિયાં ને ચેવડાની ડીશ ધરી દે છે? (દિવાળીના દિવસો વીત્યા પછી અને નાસ્તો જૂનો થયા પછી આ ઉત્સાહ હજી વધતો હોય છે!) લગભગ એટલી જ હોંશથી આપણે સૌ આખી દુનિયાને આપણી કેટકેટલીય અંગત માહિતી પીરસતા રહીએ છીએ, રોજેરોજ, ઇન્ટરનેટ પર.