ડબલ મોનિટર પર કામ કરવું છે?

લેપટોપ કે પીસી સાથે વધારાનો સ્ક્રીન કનેક્ટ કરશો તો એફિશિયન્સી ચોક્કસ વધશે.

દીવાળી નજીક આવી રહી છે એટલે તમારે એકાદ વાર તો ઘરના માળિયે ચઢવાનું થશે જ અને તો ત્યાં કદાચ જૂના કમ્પ્યુટરનું એકાદું મોનિટર પણ મળી આવશે.

હવે લગભગ તમામ લોકો ડેસ્કટોપ કમ્પ્યુટર માટે ફ્લેટ સ્ક્રીનવાળો મોનિટર વાપરતા થઈ ગયા છે અને જૂના ડબ્બા જેવા મોનિટરનો જે તે સમયે યોગ્ય નિકાલ ન થયો હોય તો એ આખરે માળિયે જ ગોઠવાયું હોય. તમે બીજા ડેસ્કટોપને બદલે લેપટોપ ખરીદ્યું હોય તો પણ કદાચ જૂના મોનિટરના આ હાલ થયા હોય.