મોબાઇલમાં ઘૂસી આપણા વતી ખરીદી કરતો માલવેર

પીસીમાં રેન્સમવેર અને મોબાઇલમાં બ્લુવ્હેલનો આતંક હજી ચાલુ જ છે ત્યાં વધુ એક નવા માલવેરના સમાચાર આવ્યા છે. સમાચારો મુજબ ઝેફકોપી નામનો આ માલવેર આપણા મોબાઇલમાં ઘૂસીને આપણા રૂપિયા ચોરી જાય છે!

રશિયા સ્થિત કેસ્પરસ્કાય નામની એક ઇન્ટરનેટ સિક્યોરિટી ફર્મે આ માલવેર વિશે દુનિયાને ચેતવણી આપી છે. આપણા માટે વધુ ચિંતાજનક બાબત એ છે કે એ ફર્મના અહેવાલ અનુસાર, આ માલવેરના નિશાન બનેલા મોબાઇલ ફોન્સમાંથી પૂરા ૪૦ ટકા જેટલા ફોન ભારતમાં છે.