આઠ વર્ષ! આટલાં વર્ષોમાં ‘સાયબરસફર’ના ૯૬ અંક પ્રકાશિત થવા છતાં, આ સમય પલકવારમાં પસાર થયો હોય એવું લાગે છે!
સફરની ખરી શરૂઆત તો જાન્યુઆરી ૨૦૦૮માં અખબારની નાનકડી કોલમ તરીકે થઈ અને તમારા જેવા વાચકોના અત્યંત હૂંફાળા પ્રેમથી જ એ આટલી વિસ્તરી શકી છે.
અખબારમાં એકાદ હજાર લેખો અને મેગેઝિનમાં સાડા ચાર-પાંચ હજાર જેટલાં પાનાંમાં, અત્યાર સુધીમાં આપણે ઇન્ટરનેટ, સ્માર્ટફોન અને કમ્પ્યુટરની અનેક જાણી-અજાણી, નાની-મોટી વાતોમાં ઊંડા ઊતર્યા છીએ અને છતાં લાગે છે એવું, જાણે આપણે હજી ઊંડા મહાસાગરની ઉપલી સપાટીને જ સ્પર્શી શક્યા છીએ. તો પણ, આ અંકથી આપણા વિષયફલકને હજી થોડું વિસ્તારી રહ્યા છીએ!
