હમણાં એન્ડ્રોઇડમાં ત્રાટકો એક નવો માલવેર પ્રકાશમાં આવ્યો છે. તે બેન્કિંગ એપ્સની વિગતો ચોરી શકે છે – અલબત્ત, હાલમાં તે યુરોપમાં વધુ વ્યપાક છે અને પ્લે સ્ટોરમાં જોવા મળ્યો નથી.

એક તરફ લોકડાઉનના સમયમાં અને ત્યાર પછી પણ આપણે સૌએ, શક્ય એટલો માનવસંપર્ક ટાળવા માટે ડિજિટલ પેમેન્ટ તરફ વળ્યા વગર છૂટકો નથી અને બીજી તરફ, હેકર્સ આપણી બેન્કિંગ એપ્સની વિગતો મેળવવા માટે વધુ સ્માર્ટ તરકીબો અજમાવી રહ્યા છે!

હમણાં આવી એક નવી તરકીબ પ્રકાશમાં આવી છે. અલબત્ત, આપણે ચિંતામાં ગરકાવ થઈને, ઓનલાઇન પેમેન્ટ બંધ કરવાની કે સ્માર્ટફોનમાંથી બેન્કિંગ એપ્સ ડિલીટ કરી નાખવાની જરૂર નથી, પણ ડિજિટલ દુનિયામાં શું ચાલી રહ્યું છે એ જાણવું અને આ જોખમો સામે સાવધ રહેવા શું કરવું એ જાણવું ચોક્કસ જરૂરી છે.