સ્માર્ટફોન મળ્યા પછી આપણાં અનેક કામ ઘણાં સહેલાં બની ગયાં છે, જેમાંનું એક કામ છે ડોક્યુમેન્ટ સ્કેન કરવાનું કામ! આમ તો, કેમસ્કેનર એપ આ માટે સૌથી સારું પરિણામ આપતી હતી. તેની મદદથી કોઈ પણ પ્રકારના ડોક્યુમેન્ટનો ફોટો લીધા પછી, આપણે ફોટો લેવામાં કેમેરા ત્રાંસો રાખવાની ભૂલ કરી હોય તો એપ પોતે ઇમેજનો પરસ્પેક્ટિવ સુધારી આપતી હતી અને તેનું એવું પરિણામ આપતી હતી કે સારા, નવાનક્કોર ઝેરોક્સ મશીન પર કોપી મેળવ્યા જેવો આનંદ થાય!
