એક્સેલ અને આર્ટનો અનોખો સંગમ

એકસેલ એટલે કોરા, નકરા આંકડા એવું તમે માનતા હો તો તમારી ભૂલ થાય છે!

એક્સેલ અને આર્ટનો આમ તો કોઈ રીતે મેળ બેસે તેમ નથી પણ ઓસ્ટ્રેલિયાના મેલબોર્ન શહેરમાં રહેતી, એમ્મા સ્ટિવન્સ નામની એક યુવતીએ આ અસાધારણ કામ કરી બતાવ્યું છે. એમ્મા દિવસના ભાગે એક લેન્ડસ્કેપ આર્કિટેક્ટ તરીકે કામ કરે છે, પણ બાકીના સમયમાં એ માઇક્રોસોફ્ટ એક્સેલ આર્ટિસ્ટ બની જાય છે.

એમ્માએ એક્સેલ પ્રોગ્રામમાં જુદાં જુદાં શહેરોની સ્કાયલાઇન સર્જવામાં હથોટી કેળવી છે!