ટેક્નોલોજીથી દુનિયાના જુદા જુદા ખૂણે રહેતા લોકો બહુ નજીક આવ્યા, પણ એ જ ટેક્નોલોજીને પાપે એક જ ઘરમાં રહેતી બે વ્યક્તિ વચ્ચે અંતર વધવા લાગ્યું એ પણ સ્વીકારવું રહ્યું.
આજના સમયમાં સ્માર્ટફોન સાવ બાજુએ મૂકીને જીવી શકાય નહીં, તો એને જ માધ્યમ બનાવીને બે જિંદગી અને બે હૈયાંને વધુ નજીક કેવી રીતે લાવી શકાય એની અહીં કેટલીક વાત આલેખી છે.
સ્માર્ટફોન એટલું બધું વ્યક્તિગત સાધન છે કે તેમાં દરેક વ્યક્તિની, પોતપોતાની આગવી દુનિયા રચાય છે. નવાં સાધનોથી બે વ્યક્તિ વચ્ચે અંતર વધી રહ્યું હોવાની કે ઉષ્મા ઘટી રહી હોવાની વાતમાં વજૂદ તો છે, પણ આ જ બધું આપણને પોતાની વ્યસ્તતા વચ્ચે પણ એકબીજાની નજીક રહેવાની નવી નવી રીત અને તક પણ આપે છે.
ફક્ત ૧૪ ફેબ્રુઆરીના એક દિવસ માટે નહીં, રોજેરોજ તેના પર અમલ કરી જુઓ!
