નવી શરતોના મામલે ભારતમાં લોકો મોટા પાયે અન્ય એપ્સ તરફ વળવા લાગ્યા એ પછી વોટ્સએપે તેનું વલણ ખાસ્સું નરમ કર્યું છે (જોકે સરકારના નવા નિયમોના મુદ્દે કંપનીએ એકદમ આક્રમક વલણ અપનાવ્યું છે).
વોટ્સએપના આપણા ઉપયોગ દરમિયાન તે આપણી કઈ વિગતો ફેસબુક સાથે શેર કરે છે અને કઈ બાબતો ખાનગી રહે છે તે વિશે વધુ સ્પષ્ટતાથી જણાવ્યું છે. મોટા ભાગની એપની જેમ, વોટ્સએપ એપ આપણો ફોન નંબર, ડિવાઇસ આઇડી, લોકેશન, ટ્રાન્ઝેક્શન ડેટા, પ્રોડક્ટ ઇન્ટરએક્શન, યૂઝર આઇડેન્ટિફાયર્સ વગેરે વિગતો મેળવે છે, પરંતુ આ વિગતો, જો તમારા ફોનમાં ફેસબુક કે મેસેન્જર એપ હોય તો ફેસબુક પાસે પહોંચી જ ગઈ છે.
વોટ્સએપ એટલું ચોક્કસ કહે છે કે હજી પણ વોટ્સએપ પરની આપણી વ્યક્તિગત વાતચીત ખાનગી જ રહેશે. કંપનીની સ્પષ્ટતાઓ જાણીએ…
