હમણાં આવેલો એક ચુદાકો મહત્ત્વપૂર્ણ અને બેન્ક ગ્રાહકોને મોટી રાહત આપે તેવો છે, પણ સાવ બેફિકર બનવા જેવું નથી.
હેકર આપણા બેન્ક ખાતામાંથી રૂપિયા ગાયબ કરે તો એ માટે બેન્ક જવાબદાર રહેશે, ગ્રાહક નહીં – હમણાં વોટ્સએપ પર ફરતો આ મેસેજ તમે પણ જોયો હશે. વિવિધ અખબારમાં પ્રકાશિત આ સમાચારની ઇમેજ વોટ્સએપ પર ફરી રહી છે, એટલે વોટ્સએપની બાબતે પહેલાં જેની શંકા જાય એવા આ ફેક ન્યૂઝ નથી (જોકે ઇમેજ હોય એટલે ફેક ન હોય એવું પણ નથી!) આજના સમયમાં સૌ કોઈને પોતાની સાથે બેન્ક ફ્રોડ થવાનો ડર રહે છે એટલે આ ખરેખર રાહતના સમાચાર છે (એટલે જ વધુ પ્રમાણમાં ફોરવર્ડ થયેલ છે!).
