કોઈ તમને એમ કહે કે જ્યારે તમે કોઈ ‘ફિશિંગ એટેક’નો ભોગ બનો ત્યારે તમે તો ઠીક, તમારી સાથોસાથ જીમેઇલ જેવી ‘સ્માર્ટ’ ગણાતી સર્વિસ પણ છેતરાઈ જતી હોય છે – તો તમે આ વાત માની શકો? આ હકીકત છે!
ઓનલાઇન છેતરપિંડી કરનારા લોકો હવે એટલા સ્માર્ટ થઈ ગયા છે કે એ તેમનો સામનો કરવા માટે વપરાતી કેટલીક ટેકનિક્સનો જ ઢાલ તરીકે ઉપયોગ કરે છે, પરિણામે આપણી સાથોસાથ જીમેઇલ, યાહૂ કે આઉટલૂક જેવી સારી ને સ્માર્ટ ઈ-મેઇલ સર્વિસ અને ગૂગલ ક્રોમ, ફાયરફોક્સ, એજ વગેરે જેવાં બ્રાઉઝર પણ છેતરાઈ જાય છે!
