વાસ્તવમાં આ સર્વિસ સરકારની સત્તાવાર એપના સાથ વિના કામ કરી શકતી નથી – અત્યારે ભારતમાં તે કાર્યરત જ નથી.
આગળ શું વાંચશો?
- સ્માર્ટફોનથી કોન્ટેક્ટ ટ્રેસિંગ
- ગૂગલ-એપલનો પ્રયાસ
- હકીકત શું છે?
- પ્રાઇવસી કેટલી છે?
- પ્રાઇવેટ ટ્રેસિંગ કેવી રીતે કામ કરે છે
કોરોના વાઇરસ સામેનો જંગ ખાસ્સો લાંબો ચાલવાનો છે તે નિશ્ચિત છે. આખું વિશ્વ લાંબો સમય લોકડાઉનમાં રહી શકે નહીં, એ પણ નિશ્ચિત છે.
આ સ્થિતિમાં, વાઇરસના ચેપની ચેઇન તોડવામાં એક બાબત સૌથી વધુ ઉપયોગી થઈ શકે છે – ચેપ લાગેલા લોકો ફર ફોકસ કરી, તેમને કારણે જેમને ચેપ લાગવાની સંભાવના હોય તેવા લોકોને અલગ તારવવા, તેમને ચેતવવા અને જરૂર મુજબ તેમની સારવાર કરી.
આ કામમાં ટેક્નોલોજી બહુ ઉપયોગી સાબિત થઈ શકે છે.
