સોલિટેર રમો, હવે સ્માર્ટફોન પર પણ!

આખી દુનિયાની વિવિધ ઓફિસના બધા બોસને ધ્રાસ્કો પડે એવા સમાચાર – પર્સનલ કમ્પ્યુટર પર વર્ષોથી અત્યંત લોકપ્રિય ગેમ સોલિટેરનું માઇક્રોસોફ્ટે એન્ડ્રોઇડ અને આઇઓએસ માટે ફ્રી વર્ઝન લોન્ચ કર્યું છે.

ઘરમાં તો ઠીક લોકો ઓફિસમાં ઢગલાબંધ કામ બાકી હોય ત્યારે પણ બે ઘડી ફ્રેશ થવાના બહાના હેઠળ તક મળતાં જ પોતાના કમ્પ્યુટરમાં આ ગેમ ખોલીને પત્તાની રોમાંચક અને સીધી સાદી દુનિયામાં ખોવાઈ જતા હતા. હવે એ જ મજા સ્માર્ટફોનના સ્ક્રીન પર મળશે.

મોબાઇલમાં આ ગેમ ફ્રીસેલ, સ્પાઇડર, ક્લોન્ડાઈક, ટ્રાયપીક્સ અને પીરામિડ મોડમાં રમી શકાશે. ગેમમાં એક્સબોક્સ ઇન્ટીગ્રેશનની સુવિધા છે એટલે ચાહો તો તમે દરેક ગેમમાં પ્રોગ્રેસને ક્લાઉડમાં સેવ કરી શકો છો અને ઘરમાં અધૂરી રહી ગયેલી કોઈ ગેમ ઓફિસે પહોંચીને આગળ વધારી શકો છો.
લગભગ ૨૫ વર્ષથી માઇક્રોસોફ્ટ વિન્ડોઝના દરેક વર્ઝનમાં સામેલ આ અત્યંત લોકપ્રિય ગેમ અન્ય ડેવલપર્સ દ્વારા જુદા જુદા વર્ઝનમાં એપ સ્વરૂપે ઉપલબ્ધ હતી જ પણ હવે ખુદ માઇક્રોસોફ્ટ તરફથી આ ભેટ મળી છે.

જોકે આ ગેમ તમારા મોબાઇલમાં ૪૨ એમબી જેટલી જગ્યા રોકશે. ગેમ ઇન્ટરનેટ કનેક્શન વિના પણ રમી શકાશે.

LEAVE A REPLY

Please enter your comment!
Please enter your name here