ઓફિસના કામકાજથી કે અભ્યાસથી કંટાળ્યા હો અને ઘડી-બે ઘડી કંઈક જુદું કરવાનો વિચાર આવે ત્યારે વોશિંગ્ટનનું વ્હાઇટ હાઉસ, દિલ્હીનું સંસદ ભવન કે કન્યાકુમારીનું વિવેકાનંદ રોક મેમોરિયલ કે હિમાલયમાંનું માનસરોવર કે પછી હોલીવૂડના સ્ટાર્સનાં ભવ્ય મેન્શન્સ વગેરે વગેરે સ્થળોએ લટાર મારવાની તક મળે તો? જેમ થોડી ફુરસદમાં આપણે બાઇક કે કાર લઈને લોંગડ્રાઇવ પર જઈએ એમ હવે થોડી મિનિટોની ફુરસદ મળે ત્યારે આપણે ગ્લોબટ્રોટિંગ કરી શકીએ છીએ, અલબત્ત, વર્ચ્યુઅલ!