નેટ એક્સેસ ધરાવતા લોકોની સંખ્યાની દૃષ્ટિએ ચીન અને ભારત જેવા દેશો ભલે દુનિયામાં આગળ હોય, પણ કુલ વસતિમાંના નેટ કનેક્ટેડ લોકોની ટકાવારીની દૃષ્ટિએ દુનિયાના નાના દેશો આપણાથી બહુ આગળ છે.
‘સાયબરસફર’ જ્યારે માત્ર અખબારની કોલમ હતી ત્યારે જે વાતનો અંદાજ આવતો નહોતો, એ પ્રિન્ટેડ મેગેઝિન શરુ કર્યા પછી આવ્યો – મેગેઝિનના લવાજમના ચેક/ડીડી કે મનીઓર્ડર લઈ આવતા ટપાલી કે કુરિયર પર્સન પણ ઘણી વાર પૂછે છે કે આ ‘સાયબરસફર’ શું છે? અને મેગેઝિન જોયા પછી કહે છે કે ‘અરે વાહ, આ તો અમારાં છોકરાંને પણ કામનું છે, હમણાં જ કમ્પ્યુટર લીધું છે!’ આપણા દેશમાં કમ્પ્યુટર અને ઇન્ટરનેટનો વ્યાપ કેટલો વધી રહ્યો છે એનો અંદાજ આ વાતચીત પરથી આવે છે!
