જે સામાન્ય નજરે, સહેલાઈથી જોવા મળતું નથી, એવું કંઈક જુદું, કંઈક અનોખું જોવું તમને ગમે છે? તો તમને, લોસ એન્જલેસના ટાઇમલેપ્સ સિનેમેટોગ્રાફર, ફોટોગ્રાફર અને ફિલ્મમેકર જોન ક્રેપાએ બ્રાઝિલના રોમાંચક અને રળિયામણા શહેર રિયો ડી જાનેરો શહેરનો બનાવેલો ટાઇપલેપ્સ વીડિયો જોવો જરુર ગમશે. ટાઇમલેપ્સ ફિલ્મ એ શબ્દ આપણા માટે નવો હશે, પણ ઘણી હોલીવૂડ કે બોલીવૂડની ફિલ્મમાં, ખાસ કરીને ટાઇટલ્સ દરમિયાન આ પ્રકારની ફોટોગ્રાફી જોઈ છે. આ એક એવી પ્રોસેસ છે, જેમાં આપણો કોઈ પણ બાબતને જોવાનો, સમયનો સંદર્ભ બદલાય છે અને રોજબરોજની જિંદગી આપણે જુદી જ રીતે જોઈ-માણી શકીએ છીએ.