અત્યારે લગભગ દરેક હાથમાં સ્માર્ટફોન જોવા મળે છે તેમ ઘણાં કાંડામાં સ્માર્ટવૉચ પણ જોવા મળે છે. કોઈના કાંડે આવી સ્માર્ટવૉચ જોઈને લોકોનાં ત્રણેક પ્રકારનાં રિએક્શન હોઈ શકે. એક, ‘‘ઓહો, પાર્ટી મોટી લાગે છે, એપલની સ્માર્ટવૉચ ખરીદી છે!’’ બીજું, ‘‘ઠીક છે હવે, કેટલા બજેટની હશે એ દેખાઈ આવે છે!’’ અને જેમને સ્માર્ટવૉચ વિશે કંઈ જ ખબર નથી એમના મનમાં એવો વિચાર પણ આવી જતો હશે કે ‘‘જેનું ડાયલ કાળું ધબ્બ હોય, કંઈ દેખાતું જ ન હોય, એવી ઘડિયાળ શી કામની!’’
