અત્યારના સમયમાં લગ્ન પ્રસંગો જ દુર્લભ થઈ ગયા છે એટલે એના જમણવાર કે રિસેપ્સનમાં મજાના બુફે ડિનરની મોજ થોડા સમય માટે આપણે ભૂલી જ જવાની છે. છતાં, કલ્પના કરો કે તમારે કોઈ સારા પ્રસંગે જમવા જવાનું થયું. દેખીતું છે કે જાતભાતનાં કાઉન્ટરમાં અનેક જાતની વાનગીઓ પીરસાયેલી હશે! આવે સમયે તમે શું કરશો? હાથમાં પ્લેટ લઈને એક જ કાઉન્ટર પરની બધી વેરાઇટીથી પ્લેટ ભરી લેશો કે પછી પહેલાં બધાં કાઉન્ટર પર નજર ફેરવશો અને પછી જે સારું લાગે એ બધું થોડું થોડું પ્લેટમાં લેશો, લ્હેરથી બધું ચાખશો અને પછી જે સારું લાગે એ વધુ લેશો?
