ગૂગલે હમણાં પ્લેસ્ટોરમાંથી નવ એપ્સ દૂર કરીને તેના ડેવલપર્સ પર પ્લેસ્ટોરમાં એપ અપલોડ કરવા પ્રતિબંધ મૂકી દીધો છે. આ એપ્સ વિવિધ પ્રકારની સર્વિસ આપવાના નામે લોકોના ફેસબુકનાં યૂઝરનેમ-પાસવર્ડ ચોરતી હતી. ફોટો એડિટિંગ કે ફોટો પર આકર્ષક ફ્રેમ ઉમેરવી, વિવિધ પ્રકારની એકસરસાઇઝ અને ટ્રેનિંગ આપવી, હોરોસ્કોપની સર્વિસ આપવી કે એન્ડ્રોઇડમાંથી વણજોઇતી ફાઇલ્સ દૂર કરી આપવાનો દાવો કરતી આ બધી એપ એકસરખી રીતે કામ કરતી હતી.
