ગયા અઠવાડિયે, અખબારો અને ન્યૂઝ સાઇટ્સમાં હેડલાઇન્સ ચમકી – મે ૨૬, ૨૦૨૧થી ભારતમાં ફેસબુક, ટ્વીટર, વોટ્સએપ, ઇન્સ્ટાગ્રામ, યુટ્યૂબ વગેરે સોશિયલ મીડિયા સાઇટ્સ બંધ થઈ શકે છે! આ વાંચીને ઘણાના જીવ તાળવે ચોંટ્યા હશે – સોશિયલ મીડિયા બંધ થઈ જાશે?
આપણને જે સર્વિસિસ હવે ઓક્સિજન જેવી લાગે છે, એ દેશમાં બંધ કરવા સુધીની નોબત કેમ આવી એની થોડી વાત કરી લઈએ. સોશિયલ મીડિયાના યૂઝર અને ભારત દેશના નાગરિક – બંને તરીકે આપણે આ બાબતો જાણવી જરૂરી છે.
