એપલની આઇઓએસના નવા, ૧૫મા વર્ઝનમાં ઘણી બધી નવી ખૂબીઓ છે, પણ એક ખૂબી ખાસ ધ્યાન ખેંચે એવી છે.

એની વાત કરતાં પહેલાં, એપલની સ્માર્ટવોચમાંની આવી જ એક ખૂબીની વાત કરીએ. તમે કાંડા પર એપલ વોચ પહેરી હોય અને ચાલતાં ચાલતાં તમે ગબડી પડો, થોડી વાર સુધી ઊભા ન થઈ શકો તો એપલ વોચ પોતે ઇમર્જન્સી સર્વિસને કોલ કરે, તમે પહેલેથી જણાવેલા ઇમર્જન્સી કોન્ટેક્ટ્સને મેસેજિસ મોકલે અને સાથે તમે ક્યાં પડી ગયા છો એ લોકેશન પણ જણાવે! આ સગવડથી ઘણા લોકોના જીવ બચ્યા હોવાના પણ અખબારોમાં રિપોર્ટ્સ આવ્યા છે.