આગળ શું વાંચશો?

• ઇન્ટરનેટ પર ગેમિંગનો તરખાટ
  

  ---

• ઓનલાઇન ગેમિંગનું નવું સ્વરૂપ
  

  ---

• ‘‘ગેમ રમો, રીયલ કેશ જીતો’’
  

  ---

• આખી વાતનું કાયદાકીય પાસું
  

  ---

• ડેટા એનવાલિટિક્સથી ઉમેરાતું જોખમ
  

  ---

• અહીં પણ ચીનનું આક્રમણ
  

  ---

• આ વાઇરસથી પણ ચેતજો

વોટ્સએપ પર ફરતો આ મેસેજ કદાચ તમારા સુધી પણ પહોંચ્યો હશે, ‘‘લોકડાઉન દરમિયાન, લૂડો રમવામાં એવી ફાવટ આવી ગઈ છે કે મહાભારતની જેમ આજે શકુનિમામા સામે રમવાનું થયું હોત તો અમે દુર્યોધનનું આખું રાજપાટ જીતી લીધું હોત…’’

હળવાશમાં કહેવાયેલા આ શબ્દોમાં બે-ત્રણ મહત્ત્વની વાત છુપાયેલી છે.

પહેલી વાત, લોકડાઉન દરમિયાન લૂડો જેવી એક જમાનાની ફેવરિટ ફેમિલી બોર્ડ ગેમ હવે ઓનલાઇન પણ જબરી પોપ્યુલર થઈ છે.

બીજી વાત, લૂડો અને મહાભારતની ‘ચોપાટ’, ‘ચોસર’ કે ‘દ્યુત’માં કોઈ ફેર નથી એ હવે દૂરદર્શન પર ફરી શરૂ થયેલી ‘મહાભારત’ સિરિયલને કારણે નવી પેઢી પણ જાણી ગઈ છે.

ત્રીજી સૌથી વધુ મહત્ત્વની વાત, લૂડો રમતા લોકો – ભલે મજાકમાં – એવું માનતા થઈ ગયા છે કે તેઓ ધારે તો શકુનિને પણ હરાવી શકે! યાદ રહે, શકુનિએ પહેલાં ઇન્દ્રપ્રસ્થમાં યુધિષ્ઠરને પણ જીતાડીને એવા ગુમાનમાં લાવી દીધા હતા કે તે શકુનિને હરાવી શકે છે.