ઘણા લાંબા સમયથી ડિજિટલ પબ્લિશિંગ શક્ય બન્યા પછી અખબારો અને સામયિકોના પ્રકાશકો એક બાબતની સતત અવઢવ અનુભવી રહ્યા છે – પોતાનું કન્ટેન્ટ ‘ફ્રી ફ્લોઇંગ’ ટેકસ્ટ સ્વરૂપે આપવું કે પછી ફિક્સ્ડ લે-આઉટવાળી પીડીએફ ફાઇલ સ્વરૂપે. ખાસ કરીને લોકડાઉન સમયે સંખ્યાબંધ અખબારો અને સામયિકોની પીડીએફ ફાઇલ સોશિયલ મીડિયા પર ફરતી થઈ ગઈ હતી, પરંતુ ઘણા બધા યૂઝરને મોબાઇલના નાના સ્ક્રીન પર આવી ફાઇલ વાંચવી સરળ લાગતી નથી.