ઓનલાઇન ડેટાનું પ્રમાણ અત્યંત તેજ ગતિએ વધી રહ્યું છે ત્યારે દુનિયાભરના ડેટા સાયન્ટિસ્ટ્સ હવે માનવના ડીએનએમાં ડેટા સ્ટોર કરવાની મથામણમાં પડ્યા છે.

લોકડાઉન દરમિયાન દેખીતી રીતે ઇન્ટરનેટનો ઉપયોગ વધી ગયો. વર્ક-ફ્રોમ-હોમ કરતા લોકો ઉપરાંત, ધરાર મળેલી ફુરસદને કારણે આપણે સૌ ગૂગલ, ફેસબુક, વોટ્સએપ વગેરે પર વધુ ને વધુ પ્રવૃત્ત રહેવા લાગ્યા છીએ. પરંતુ ઇન્ટરનેટનો વધતો ઉપયોગ કંઈ આજકાલની વાત નથી.

વાસ્તવમાં કે જગતભરના ડેટા સાયન્ટિસ્ટ્સને આપણે સર્જેલા, ખરેખર પારાવાર, ડેટાને કેમ ઓછી જગ્યામાં લાંબા સમય માટે કેમ સાચવવો તેની ચિંતા થઈ રહી છે.