સ્માર્ટફોનના કેમેરાના મેગાપિક્સેલ વધારવાની હરીફાઈ તો ચાલુ જ છે, ત્યાં હવે સ્માર્ટફોનમાં કેમેરાની સંખ્યા વધવા લાગી છે! કઈ રીતે કામ લાગે છે, આ વધારાના કેમેરા? આવો સમજીએ!
આગળ શું વાંચશો?
- સ્માર્ટફોનના કેમેરામાં નવી રેસ
- સ્માર્ટફોનમાં કેમેરા: અવરોધ અને લાભ
- ફોટોગ્રાફીનો પાયાનો સિદ્ધાંત
- ટેલિફોટો લેન્સ
- વાઇડ એંગલ લેન્સ
- ડેપ્થ સેન્સર
- મોનોક્રોમ લેન્સ
- અન્ય પ્રકારના કેમેરા
- વાઇડ એંગલનાં વિવિધ ઉદાહરણ
દિવાળી તદ્દન નજીક આવી ગઈ છે! દર વર્ષની જેમ, આ વર્ષે પણ તમે નવા સ્માર્ટફોન સાથે દિવાળી ઉજવવા ઇચ્છતા હો તો દર વર્ષની જેમ, આ વર્ષે પણ તમે જબરી અને મીઠી મૂંઝવણ અનુભવી રહ્યા હશો!
સ્માર્ટફોનના માર્કેટમાં દર વર્ષે કંઈક નવું આવે છે, જે આપણી મૂંઝવણનું કારણ બને છે. આ વર્ષેની મૂંઝવણ છે, સ્માર્ટફોનમાં કેટલા અને કેવા પ્રકારના કેમેરા હોવા જોઈએ? કેમ કે હવે મોબાઇલ ફોન બનાવતી કંપનીઝમાં કેમેરાની બાબતે હરીફાઈ શરૂ થઈ છે!
