રિલાયન્સ જિઓએ મફત કોલિંગથી ખળભળાટ મચાવી દીધા પછી, હવે અન્ય કંપનીઝ પણ વીઓએલટીઇ ટેક્નોલોજી અપનાવીને તેની સર્વિસ વિસ્તારી રહી છે.
ભારતના મોબાઇલ માર્કેટમાં અત્યાર સુધી વધુને વધુ ક્સ્ટમર્સને પોતાની તરફ ખેંચવા માટે, વધુ ને વધુ સસ્તા પ્લાનનો જંગ ચાલી રહ્યો હતો. હવે આ યુદ્ધ નવા મોરચે ખેલાઈ રહ્યું છે.
હવે આખી વાત ‘વીઓએલટીઇ’ના મોરચે પહોંચી છે, જે વધુ ઝડપી, વધુ સારી, વધુ વ્યાપક ડેટા કનેક્ટિવિટી તથા અવાજની વધુ સ્પષ્ટતા આપી શકે છે. ભારતમાં રિલાયન્સ જિઓ કંપનીએ ઘણી બધી રીતે મોબાઇલ માર્કેટ ઉપરતળે કરી દીધું, તેનું એક હથિયાર આ વીઓએલટીઇ ટેકનોલોજી પણ છે.
