ભારતમાં ગુનાખોરી સંબંધિત તમામ ડેટા એકઠો કરીને જાળવવાની જવાબદારી જેના શીરે છે તે નેશનલ ક્રાઇમ રેકોર્ડસ બ્યુરોએ તેના તમામ ડેટાના એનાલિસિસને આધારે પ્રીડિક્ટિવ પોલીસિંગ તરીકે ઓળખાતી પદ્ધતિનો અમલ કરવાનું નક્કી કર્યું છે.
આ માટે હૈદ્રાબાદની એડવાન્સ્ડ ડેટા રિસર્ચ ઇન્સ્ટિટ્યૂટ એક એવો સોફ્ટવેર તૈયાર કરી રહી છે જે ભારતા ક્રાઇમ ડેટાનું એનાલિસિસ કરીને ગુનાની આગાહી કરી શકશે અને એ મુજબ સ્થાનિક પોલીસ જે તે વિસ્તારમાં પોલીસ ફોર્સ વધારી કે ઘટાડી શકશે. આ પદ્ધતિનો માર્ચ ૨૦૧૮થી કેરળ, ઓરિસ્સા, મહારાષ્ટ્ર, હરિયાણા તથા ત્રિપુરામાં અમલ શરૂ કરશે અને ૨૦૨૦ના અંત સુધીમાં આખા દેશને આવરી લેવાશે.
