શું થયું અને કેવી રીતે થયું?
તમે જાણતા હશો કે ફેસબુકમાં તમે લોગઇન હો ત્યારે તમારા પેજને જ્યારે બીજા કોઈ મુલાકાતીઓ જોઈ રહ્યા હોય ત્યારે તેમને એ પેજ કેવું દેખાશે તે તમે પોતે જોઈ શકો છો. આ માટે ફેસબુક “વ્યૂ એઝ નામની સગવડ આપે છે. આ ફીચર પાછળની ટેકનોલોજી સાદા શબ્દોમાં સમજવાનો પ્રયાસ કરીએ તો, આપણે ફેસબુકમાં લોગઇન હોઇએ ત્યારે આપણું પેજ અન્ય કોઈ વ્યક્તિને કેવું દેખાશે એ આપણને બતાડવા માટે ફેસબુક આપણા એકાઉન્ટનું એક ખાસ પ્રકારનું એક્સેસ ટોકન તૈયાર કરે છે.
