અઢી અક્ષરનો શબ્દ. આટલું વાંચીને તમારા મનમાં ક્યો શબ્દ ઉગ્યો? પ્રેમ? તો સરસ. જો તમે ડિજિટલ દુનિયામાં સારા એવા ખૂંપેલા હશો તો કદાચ આ બીજો શબ્દ ઉગ્યો હશે – એપ્સ!
સ્માર્ટફોનને પ્રતાપે એપ્સને તો આપણે સારી રીતે જાણીએ છીએ. પરંતુ છેલ્લા થોડા મહિનાથી એપ્સને સંબંધિત એક નવો શબ્દ ચર્ચાતો થયો છે – થર્ડ પાર્ટી એપ્સ. થોડા મહિના પહેલાં ફેસબુકમાંથી ડેટા ચોરીનો જે વિવાદ થયો હતો તેમાં આ થર્ડ પાર્ટી એપ્સ વિલન તરીકે ઊભરી આવી હતી.
બરાબર એ જ રીતે હમણાં નવો વિવાદ જાગ્યો છે, જેમાં બહાર આવ્યું છે કે આપણા જીમેઇલ એકાઉન્ટમાંના મેઇલ્સ તેની સાથે કનેક્ટેડ થર્ડ પાર્ટી એપ્સના એન્જિનિયર્સ વાંચી શકે છે.
