ફેસબુકના ડેટાની વારંવાર ચોરી, વોટ્સએપની શરતોમાં પરિવર્તન, ટ્વીટર સાથે સરકારની બથ્થંબથ્થી, કઈ એપ આપણું કેટલું ટ્રેકિંગ કરે છે એ બતાવતી એપલની સગવડ… આ બધાને કારણે આપણે ઇન્ટરનેટ પર આપણા પ્રાઇવેટ ડેટાની સલામતી માટે ખાસ્સા સભાન થયા છીએ.

ડેટાની ચિંતા એટલે કરીએ છીએ કે એનો ઉપયોગ કરીને કોઈ આપણને, કોઈક રીતે લૂંટી જશે એવી બીક છે! પણ, ફેસબુક પરના લાઇક્સ-ડિસલાઇક્સના ડેટા કે વોટ્સએપ પર આપણે કોને શું શેર કર્યું એ જાણ્યા વિના, સીધેસીધું કોઈ આપણને લૂંટી શકે છે એ મુદ્દા તરફ આપણે હજી જોઈએ એટલા સભાન ન હોઈએ એવું લાગે છે.