વર્ષ ૨૦૧૫માં ગૂગલે ‘ગૂગલ ફોટોઝ’ નામે, આપણા ડિજિટલ ફોટો અને વીડિયોના સ્ટોરેજ અને મેનેજમેન્ટ માટેની સર્વિસ લોન્ચ કરી છેક ત્યારથી આપણે આ સર્વિસ વિશે અવારનવાર વાત કરી છે. ખરેખર તો એ પહેલાં, જ્યારે ગૂગલ પીસીમાં ડાઉનલોડ કરી શકાય તેવું પિકાસા નામનું સોફ્ટવેર આપ્યું હતું ત્યારથી આપણે ફોટો સ્ટોરેજ અને મેનેજમેન્ટ વિશે વાત કરતા આવ્યા છીએ. કારણ એટલું જ કે તસવીરો આપણા જીવનનો એક અભિન્ન અને મજાનો હિસ્સો છે.