આર્ટિફિશિયલ ઇન્ટેલિજન્સ (એઆઇ) હવે આપણા જીવનની દરેક બાબતમાં મગજમારી કરવા લાગી છે. ઇમેઇલ ટાઇપ કરતી વખતે આપણાં મનમાં શું ચાલી રહ્યું છે એ સમજવાથી માંડીને જુદા જુદા ફોટોગ્રાફમાં કઈ કઈ બાબતો જોવા મળી રહી છે ત્યાં સુધીની બધી વાતમાં હવે એઆઇ ચંચૂપાત કરે છે. પરંતુ, કુદરતના અદભુત સર્જન જેવા માણસની બુદ્ધિ પણ દગો દઈ જતી હોય તો આ તો આખરે માણસે બનાવેલી કૃત્રિમ બુદ્ધિની વાત છે., એ પણ ક્યારેક તો ગોથું ખાઈ જ જાય!
