આ વર્ષની શરૂઆતમાં જ આપણને સૌને જોરદાર ઝાટકો મળ્યો – આપણો દિવસ જેના દર્શનથી ઊગે છે અને રાત્રે ઊંઘતાં પહેલાં પણ જેનાં દર્શન અનિવાર્ય છે એ વોટ્સએપે પોતાની શરતો બદલી! એ તો ઠીક, એની સાથોસાથ ધમકી આપી કે આ શરતો કબૂલ-મંજૂર ન હોય તો વોટ્સએપનું એકાઉન્ટ ડિલીટ કરો – બીજો કોઈ રસ્તો જ નથી. એ સાથે લોકો પ્રાઇવસીની બાબતે ભડકી ઊઠ્યા અને વોટ્સએપના વિકલ્પ રૂપે સિગ્નલ જેવી એપ તરફ દોડ્યા. ઘણાં પારિવારિક ગ્રૂપ્સે પણ વોટ્સએપમાંથી ઊચાળા ભર્યા.
