(માર્ચ ૨૦૨૦ અંકનો સ્વાગતલેખ)
ઇન્ટરનેટ – આ શબ્દ કાને પડતાં જ આપણા મનમાં અત્યારે તો બે જ સાધનનો વિચાર જાગે છે, સ્માર્ટફોન અને કમ્પ્યુટર. આ બંનેમાં ડિસ્પ્લે સ્ક્રીન અને કી-બોર્ડની મદદથી આપણું ઇન્ટરનેટ સાથે અનુસંધાન થાય છે.
પણ, આવી રહેલા સમયમાં ઇન્ટરનેટ આટલું સીમિત રહેવાનું નથી. આવનારો સમય ‘ઇન્ટરનેટ ઓફ થિંગ્સ’નો છે, જેમાં એક-બે નહીં પણ અનેક પ્રકારનાં સાધનો ઇન્ટરનેટ સાથે કનેક્ટેટ રહેશે અને માત્ર આપણે નહીં, આ બધાં સાધનો પણ ઇન્ટરનેટ સાથે ડેટાની આપલે કરશે અને તેનો લાભ લેશે.