![](https://cybersafar.com/wp-content/uploads/2024/03/April-24-pg-44.jpg)
ઘણી વાર એવું બને કે આપણી પાસે સંખ્યાબંધ ઇમેજિસ હોય અને આપણે તેને કોઈક કારણસર એક પીડીએફ ફાઇલમાં ફેરવવા માગતા હોઇએ. કોરોના સમયે તો બાળકોને પણ આવી ઝંઝટ હતી, હવે તેમનો તેમાંથી છૂટકારો થઈ ગયો છે, કોલેજ સ્ટુડન્ટ્સ કે ઓફિસના એક્ઝિક્યુટિવ્સને હજી પણ આવી જરૂર હોઈ શકે છે. જેમ કે તમારી પાસે એક કંપનીને મોકલેલાં જુદાં જુદાં ઇન્વોઇસિસની ઇમેજિસ હોય અને તમે એ બધાં ઇન્વોઇસ એક સાથે એક ફાઇલ તરીકે ક્લાયન્ટને મોકલવા માગતા હો એવું બની શકે.