
આપણે અવારનવાર અખબારમાં સમાચાર વાંચતા હોઇએ છીએ કે કોઈ નાના બાળકે મમ્મી કે પપ્પાના સ્માર્ટફોનનો ઉપયોગ કરીને ધડાધડ ખરીદી કરી અને લાખોનું બિલ આવ્યું. આમ થવાનાં મુખ્ય બે કારણ હોય છે. એક, પપ્પા કે મમ્મીના સ્માર્ટફોનમાં તેમના ગૂગલ (કે એપલ) એકાઉન્ટમાં કાયમી પેમેન્ટ પદ્ધતિ તરીકે તેમના ક્રેડિટ કાર્ડની વિગતો સેવ થયેલી હોય. બીજુ, પેમેન્ટ કરતાં પહેલાં પોતાની ઓળખ સાબિત કરવી પડે એવી સલામતી વ્યવસ્થાનો આ મમ્મી પપ્પા લાભ ન લેતાં હોય.