
ફેસબુક, ઇન્સ્ટાગ્રામના યૂઝર્સની સરખામણીમાં લિંક્ડઇન પર એક્ટિવ પ્રોફેશનલ્સની સંખ્યામાં આભ-જમીનનો ફેર હશે, પણ ‘યૂઝર્સ’ અને ‘પ્રોફેશનલ્સ’ શબ્દોનો તફાવત પણ ધ્યાનમાં લેવા જેવો છે.
તમે પોતે કે તમારા પરિવારમાં કોઈ યુવાન કોલેજ પાર કરીને કારકિર્દી ઘડવા તરફ આગળ વધી રહ્યો હોય તો એફબી-ઇન્સ્ટા ઉપરાંત લિંક્ડઇન તરફ પણ આગળ વધવું અનિવાર્ય છે. આજના સમયમાં આર્ટિફિશિયલ ઇન્ટેલિજન્સને કારણે નોકરીની તકો ઘટવાનો ડર છે ત્યારે તો ખાસ.