તમને પણ તમારા ફોનના કોન્ટેક્ટ લિસ્ટમાં સેવ ન હોય તેવા જુદા જુદા નંબર પરથી અવારનવાર કોલ આવતા હશે. ચૂંટણી પ્રચાર માટેના પ્રી-રેકોર્ડેડ કોલ કમ મેસેજની પણ આપણને કોઈ નવાઈ નથી. પરંતુ થોડા સમથી એક ખાસ પ્રકારનો પ્રી-રેકોર્ડેડ કોલ ઘણા લોકોને આવી રહ્યો છે. કદાચ તમને પણ આવ્યો હશે. તમે કોલ રીસિવ કરો એ સાથે સામે છેડેથી ટેલિકોમ કંપની કે ટેલિકોમ્યુનિકેશન્સ ડિપાર્ટમેન્ટમાંથી મોકલવામાં આવ્યો હોય એવો લાગતો એક પ્રી-રેકોર્ડેડ મેસેજ સાંભળવા મળે.