
આપકે નામ પર રજિસ્ટર્ડ સભી મોબાઇલ નંબર્સ જલ્દ હી ડીએક્ટિવેટ કર દિએ જાએંગે…, નમસ્કાર સર, હું …. ટેલિકોમ કંપનીમાંથી બોલું છું, આપનું સિમ કાર્ડ અપગ્રેડ કરવાનું છે… આપના મોબાઇલ કનેક્શનમાં કંઈક ગરબડ થઈ છે, એટલે આપનું નેટ કનેક્શન ધીમું થઈ ગયું હશે, એક નાનું એવું સેટિંગ કરીને આપણે આ ખામી દૂર કરી શકીશું…
આ પ્રકારના જુદા જુદા કેટલાય ફોન કોલ્સનો તમે લગભગ રોજેરોજ સામનો કરતા હશો. હવે આવા મેસેજથી આપણે સૌ કંટાળી ગયા છીએ એટલે થોડું સાંભળીને કોલ કટ કરી નાખીએ છીએ, પણ આવડા મોટા ભારત દેશમાં તો જાત-ભાતના લોકો વસે છે! કેટલાય લોકો હજી પણ આવા કોલ્સને સાચા માની બેસે છે અને પછી કોલ કરનારી વ્યક્તિ જે એક્શન લેવા કહે તે પોતાના ફોનમાં લે છે.