
કોઈ ચોક્કસ કામ, નિશ્ચિત સમયે, નિયમિત રીતે કરવાની આદત – રૂટીન – તમે કેળવેલ છે? આપણા વિષયના સંદર્ભે કહીએ તો રોજ કોઈ ચોક્કસ યુટ્યૂબ ચેનલના વીડિયો નિયમિત રીતે જોઈએ તો ધીમે ધીમે આપણે એ સબ્જેક્ટમાં એક્સપર્ટ બની જઈએ! રોજ ન્યૂઝ સાઇટ્સ પર નજર ફેરવીએ તો કરન્ટ અફેર્સથી સતત માહિતગાર રહીએ. રોજ સવારે સ્ટડી ટેબલ પર કે ઓફિસ ટેબલ પર પહોંચીએ એ સાથે જે તે દિવસનું અને આખા અઠવાડિયાનું ટુ-લિસ્ટ બનાવીએ/તપાસીએ તો સ્ટ્રેસ-ફ્રી રહીને અભ્યાસ કે ઓફિસ કામ થઈ શકે.