તમે તમારાં મહત્ત્વનાં ડોક્યુમેન્ટ્સ કેવી રીતે સાચવો છો? સૌથી સાદો રસ્તો તમામ ડોક્યુમેન્ટ્સની ઓરિજિનલ્સને એક ફિઝિકલ ફાઇલમાં સાચવી રાખવાનો છે. તેની સાથોસાથ ડોક્યુમેન્ટ્સની કોપી પણ સાચવી શકાય.
પરંતુ આ જૂની રીત થઈ. હવેના ડિજિટલ સમયમાં આપણે સૌ આધારકાર્ડ, પાનકાર્ડ, વોટરકાર્ડ, સ્કૂલ-કોલેજનાં સર્ટિફિકેટ, કોરોના વેક્સિનેશનનાં સર્ટિફિકેટ વગેરે બધું ડિજિટલ સ્વરૂપે સાચવવા લાગ્યા છીએ. ઓરિજિનલ ડોક્યુમેન્ટ્સ સાચવવા ઉપરાંત તેના ડિજિટલ વર્ઝન સાચવવાની આ પદ્ધતિ સારી ને સગવડભરી છે પરંતુ તેમાં કેટલીક સંભાળ રાખવી જરૂરી છે.
