તમે ક્યારેય તમારા રસોડામાં ગરમાગરમ ભજિયાં તળાતાં હોય અને તવા પરથી તાજાં ભજિયાં પ્લેટમાં ઠલવાતાં હોય ત્યારે તેના ફોટોગ્રાફ તમારા સ્માર્ટફોનથી લીધા છે?!
ન લીધા હોય તો હવે ટ્રાય કરી જુઓ (એ બહાને ભજિયાં પણ મળશે!). ફોટોગ્રાફ લો ત્યારે ફટાફટ શટર બટન પ્રેસ કરી દેવાને બદલે, સ્માર્ટફોનમાંની કેમેરા એપમાંનાં એક્સ્ટ્રા મોડ પણ તપાસી જોજો. તમને કદાચ ‘ફૂડ’ મોડ જોવા મળશે (ફોન સેમસંગનો હશે તો તો અચૂક).
