ઇલેક્ટ્રિક કાર્સ, હાઇપરલૂપ્સ જેવા તદ્દન નવતર પ્રકારના ટ્રાન્સપોર્ટેશન મોડ, સેટેલાઇટ લોન્ચ કરવા માટે રીયૂઝેબલ રોકેટ્સ વગેરે જુદી જુદી ઘણી રીતે ટેકનોલોજીના ક્ષેત્રે ધાક જમાવી દેનારા અમેરિકન અબજોપતિ ટેક્નોક્રેટ એલન મસ્કે ૨૦૧૪ની આસપાસ પૃથ્વી પરનું ઇન્ટરનેટ કનેકશનનું ચિત્ર બદલી નાખવાનું વિચાર્યું હતું. ત્યારે એ તુક્કો ગણાયો હતો, જે હવે સાકાર થઈ ગયો છે અને ભારતમાં પણ તેને લોન્ચ કરવા, કંપની ટૂંક સમયમાં સરકાર પાસે મંજૂરી માગે તેવી શક્યતા છે.
