આજના સમયમાં કરિયરને જીમમાંની ટ્રેડમિલ સાથે સરખાવી શકીએ. ટ્રેડમિલ ચાલુ કર્યા પછી તેના પર આપણે ચાલવાનું શરૂ કરીએ તો પણ ત્યાંના ત્યાં જ રહીએ. એ જ રીતે આજના સમયમાં પ્રમાણમાં સારી સંતોષજનક નોકરી મળ્યા પછી હાશ કરીને બેસી જઇએ તો ત્યાંના ત્યાં રહીએ. ઉલ્ટાના પાછા પડવાની શક્યતા ખરી. જ્યાં છીએ ત્યાં જ રહેવું હોય તોય સતત ચાલવું પડે, નવું શીખવું પડે. હોઇએ ત્યાંથી આગળ જવું હોય તો ચાલવાને બદલે દોડવું પડે.