
ફેસબુકનો મૂળ હેતુ આપણા ફોટોઝ સ્ટોર કરવાનો નહીં, પણ શેર કરવાનો છે, એ દૃષ્ટિએ તે આપણા બધા ફોટોનું મેનેજમેન્ટ સહેલું બનાવે એવી આશા રાખી શકીએ નહીં. પરંતુ, આપણા સૌના ફેસબુક પરના રોજબરોજના શેરિંગમાં ફોટો અને વીડિયોનો સિંહફાળો હોય છે. સ્માર્ટફોનથી લીધેલી સેલ્ફી કે ગ્રૂપ ફોટો સીધા ફેસબુકમાં જતા હોય એવું પણ બને. પરિણામે તેમાં આપણા પાર વગરના ફોટો જમા થતા જાય છે. ઉપરાંત આપણા ફ્રેન્ડ્સ એમની રીતે પણ આપણા ફોટો અપલોડ કરતા હોય!