ગઈ દિવાળી વખતના ‘ફેસ્ટિવલ સેલ્સ’, ત્યાર પછી ‘ન્યૂ યર સેલ’, પછી ‘૨૬ જાન્યુઆરીનું સેલ’… એક પછી એક આવતાં સેલ્સમાં જોવા મળતી ‘ધમાકેદાર’ ઓફરનો લાભ લઈને નવું લેપટોપ લેવાનું તમે ચૂકી ગયા? ઇચ્છા તો ઘણી હતી, પણ ‘ધમાકેદાર’ ઓફર પછી પણ ભાવ તમારા બજેટની બહાર છે એવું લાગ્યું?
સ્માર્ટફોનનો ઉપયોગ જબરજસ્ત વધ્યા પછી પીસી અને લેપટોપ બંનેનાં વળતાં પાણી થયાં હતાં, પણ કોરોના પછી વર્ક કે લર્ન-ફ્રોમ-હોમ આવ્યું અને પછી હાઇબ્રિડ વર્કિંગ કે લર્નિંગનો તબક્કો આવ્યો છે.