થોડા મહિના પહેલાં રીલિઝ થયેલી બોલીવૂડની ફિલ્મ ‘બેલબોટમ’ને કારણે હાઇજેકિંગનો મુદ્દો ફરી ચર્ચામાં આવી ગયો હતો. એક સમયગાળામાં ભારતે ઉપરાઉપર પ્લેન હાઇજેકિંગની ઘટનાઓનો સામનો કરવો પડ્યો, સદભાગ્યે, ડિસેમ્બર ૧૯૯૯માં કંદહાર હાઇજેકિંગ પછી આપણે આવી કોઈ ઘટના જોઈ નથી.

પરંતુ ટેકનોલોજીની દુનિયામાં રોજેરોજ હાઇજેકિંગની ઘટના બનતી રહે છે! ઇન્ટરનેટ પર જુદી જુદી ઘણી રીતે હાઇજેકિંગ થાય છે, તેમાંની એક સૌથી સામાન્ય રીત છે ‘બ્રાઉઝર હાઇજેકિંગ’. તમે પણ કોઈને કોઈ વાર તેનો ભોગ બન્યા હશો. આવું પીસી-લેપટોપમાં વધુ બને છે.