
માની લો કે તમે નવો સ્માર્ટફોન ખરીદ્યો. તમે તેમાં ગૂગલ એકાઉન્ટથી સાઇન-ઇન થયા. પરિણામે ગૂગલની વિવિધ સર્વિસમાંનો તમારો તમામ ડેટા આ સ્માર્ટફોનમાં પણ દેખાવાનું શરૂ થઈ ગયું. હવે કોઈ પરિચિત કે સંબંધીનું તમારા નવા ફોન તરફ ધ્યાન ખેંચાયું. દેખીતું છે કે એ ‘મિત્રભાવે’ તમારો નવો ફોન હાથમાં લેશે અને તેમાં કેવાં કેવાં ફીચર છે એ તપાસવા માગશે. તમે ઇચ્છો કે ન ઇચ્છો – તમારો ફોનને અનલોક કરીને તેમના હાથમાં મૂકવો પડે!