તમે તમારી ઓફિસમાં સારી પોઝિશન પર હો તો વારંવાર એવું બનતું હશે કે તમારી ટીમ તરફથી તમને કોઈ ફાઇલ મોકલવામાં આવે અને તમારે તેને ચેક કરી, જરૂરી સુધારા સૂચવવાના હોય. ઘણા લોકો, આ કામ કરવા માટે એ ફાઇલની કાગળ પર પ્રિન્ટ લઈ, તેમાં પેનથી કરેક્શનનાં કૂંડાળાં કરી, સુધારવાની બાબતો હાથેથી લખતા હોય છે. એ પછી એ ચિતરામણવાળા કાગળનો ફોટોગ્રાફ લેવામાં આવે અને પછી તેને વોટ્સએપ કે મેઇલ દ્વારા ટીમ મેમ્બરને મોકલવામાં આવે, જેથી એ પોતાની મૂળ ફાઇલ ઓપન કરી, બોસે સૂચવેલા સુધારા તેમાં કરે!
કામ કરવાની આ બહુ જૂની રીત થઈ. હવે સમય ‘ઓનલાઇન કોલાબોરેશન’નો છે.